EMRI/ Operacioni i SPAK, arrestohet zv.Drejtori i Burgut në Elbasan, akuzohet për lidhje me familjet kriminale

Kanë dalë detaje të reja nga megaoperacioni i SPAK  në kuadër të “Plumbit të Artë” që po zhvillohet në tre qytete si Elbasani, Durrësi dhe Tirana.

Gazetarja e Vizion Plus, Blerina Cene ka mësuar se në pranga është vënë edhe zv.Drejtori i Burgut të Bradasheshit, Martin Musaj, pasi dyshohet se ka lidhje me grupet kriminale në qytetin e Elbasanit.

Lexo edhe :

Related Posts

EMRAT/ Operacioni i SPAK në Tiranë, Durrës dhe Elbasan, kush janë “shënjestrat” e drejtësisë

EMRAT/ “Plumbi i Artë, zbardhen urdhër-arrestet e SPAK, mes tyre edhe i shumë kërkuari Talo Çela

FOTO/ Bashkëpunonte me krimin, ky është ish-shefi i Policisë së Durrësit i arrestuar nga SPAK

SKY ECC, SPAK operacion në disa qytete

Musaj është shkarkuar nga detyra pas arrestimit. Ndërkohë gjatë operacionit në Elbasan është ekzekutuar edhe masa “arrest shtëpie” edhe për ish-gjyqtaren Pajtime Fetau.

Mësohet gjithashtu se ka disa urdhërarreste edhe për familjarë të fiseve kriminale që operojnë në qytetine  Elbasanit.

Aksioni i SPAK vjen pas zbërthimit të bisedave në SKY ECC dhe pas dëshmive të bëra nga të penduarit e drejtësisë.

/Vizionplus.tv/