Një aksident tragjik i ka marrë jetën të riut shqiptar, Aldo Gjoka. 29-vjeçari lindur në Tiranë, u aksidentua nga një automjet i tipit ‘Jaguari’, teksa ai vet po ngiste një motor. Si pasojë e aksidentit, viktima u përplas me murin rrethues të një prone private dhe motori shpërtheu në flakë.
Mediat italiane shkruajnë se motoçikletat ishin pasioni i tij i madh që kur ishte fëmijë.
Ai shpesh i kushtonte postime në rrjetet sociale mikut të tij të ngushtë, i cili kishte vdekur vite më parë në një aksident me motor. Për ironi të fatit, edhe 29-vjeçari ndërroi jetë tragjikisht nga i njëjti pasion.
