EMRI/ Ndahet nga jeta mjeku i njohur pediatër

Deputeti demokrat, Tritan Shehu, ka ndarë një lajm të hidhur për qytetarët e Gjirokastrës dhe jo vetëm, atë të ndarjes nga jeta të mjekut pediatër Llambi Dilo.

Dilo, i cili kishte shërbyer për shumë vite në qytetin e Gjirokastrës, ishte një figurë e njohur për angazhimin dhe profesionalizmin e tij në fushën e pediatrisë.

“Dr. Llambi Dilo nuk është më midis nesh! Ky është një lajm shumë i hidhur për të gjithë ne. Familja e tij ka humbur njeriun e dashur, ne kemi humbur një koleg, mik dhe shok me vlera të veçanta”, ka shkruar Shehu.

Ai ka vazhduar duke theksuar se Gjirokastra dhe rajoni përreth, do të ndiejnë shumë mungesën e mjekut të përkushtuar, i cili kishte ofruar kujdes të veçantë për fëmijët e atyre trevave.

“Femijet e atyre trevave nuk do të kenë më kujdesin e pediatrit të dedikuar që kishte një spikatur të rrallë në profesionalizmin dhe humanizmin e tij.

Ngushëllimet më të sinqerta për të gjithë, dhe ne do ta kujtojmë gjithmonë me respekt dhe mirënjohje”, ka përfunduar Shehu.