EMRI/ I shpallur në kërkim nga SPAK, arrestohet në Kosovë i shumëkërkuari i drejtësisë

Është arrestuar në Kosovë i shumëkërkuari i drejtësisë shqiptare Arben Lamçja, si pjesë e grupit “Çopja”.

Ky i fundit ishte shpallur në kërkim nga SPAK në kuadër të operacionit “Plumbi i Artë”, pasi akuzohet për vrasje, akuza të cilat erdhën aps dëshmive të të penduarit të drejtësisë Nuredin Dumani dhe zbërthimit të SKY ECC.

Lexo edhe :

EMRAT/ SPAK “tërmet” në tre qytete! Operacioni “Plumbi i Artë ”, në pranga të “fortë”, zyrtarë policie dhe drejtësie

EMRAT/ “Plumbi i Artë, zbardhen urdhër-arrestet e SPAK, mes tyre edhe i shumë kërkuari Talo Çela

Siguroi kushtet për vrasjen e Nuredin Dumanit, ekstradohet nga Kosova Arben Lamçja

Lamçja është arrestuar pas një aksion të përbashkët që u zhvillua nga FAST Kosova së bashku me AKI-në në lagjën Kalabria në Prishtinë.

Bashkë me të është arrestuar edhe një person tjetër.

Kujtojmë se më 31 korrik të këtij viti me kërkesë të të SPAK, GJKKO lëshoi 30 urdhër arreste. Ky urdhër lidhet me 6 vrasje të kryera në Elbasan, Rrogozhinë dhe Berat, të cilat pretendohet se janë zbuluar nga Prokuroria e Posaçme Kundër Korrupsionit dhe Krimit të organizuar në kuadër të megaoperacionit “Plumbi i Artë 2”, i cili është zhvilluar para 5 ditë në Tiranë, Elbasan e Durrës.

Në mesin e të kërkuarve ishte edhe Arben Lamçja, i cili është arrestuar sot në Prishtinë./vizionplus.tv