Një shqiptar që është dënuar për përdhunimin e një 15-vjeçareje në vitin 2015 nuk mund të deportohet nga autoritetet britanike.
Gjin Gjergji fitoi në Angli statusin e refugjatit, duke paraqitur dokumente të rreme dhe duke deklaruar se ishte me shtetësi kosovare dhe po largohej nga lufta në vitin 2000.
Në vitin 2015, Gjergji rrëmbeu një 15-vjeçare në rrugë dhe e çoi në makinën e tij. Më pas e dërgoi në një rrugë të qetë ku edhe e përdhunoi.
Ai u dënua me 6 vjet burg për krimin.
Zyra e Emigracionit, pas mbarimit të dënimit, ndërmori hapin për të verifikuar të dhënat e tij. Ku edhe zbuluan se në të vërtetë 52-vjeçari ishte me shtetësi shqiptare dhe kishte mashtruar autoritetet.
Edhe pse u kërkua deportimi i tij në Shqipëri, kjo u hodh poshtë me një vendim gjykate, që pretendonte se ishte e padrejtë që pas 20 vitesh me statusin e azilantit, 52-vjeçarit t’i hiqej ky titull.
DailyMail ka kontaktuar me Gjin Gjergjin i cili nuk ka kursyer ironitë teksa foli me gazetarët.
Ai tha se është i lumtur që ndodhet në Angli dhe se nuk mundtë kthehej në vendin e tij pasi atje ka shumë njerëz të këqinj.
“Unë jam mirë, nuk kam asnjë shqetësim këtu. Erdha në Britani sepse doja një jetë më të mirë dhe e gjeta. Më pëlqen këtu. Kam të drejtë të jetoj në Britani, kam një familje këtu. Vendlindja ime është e rrezikshme, ka njerëz të këqinj atje”, tha ai.
Pavarësisht kësaj deklarate, media britanike mëson se 52-vjeçari ai planifikon të vizitojë nënën e tij të moshuar dhe të afërmit e tjerë në Shqipëri sapo të arrijë pasaporta e tij e re në Mbretërinë e Bashkuar.
Ndërkohë në lidhje me përdhunimin e të miturës në 2015, Gjegji shprehet se mendoi se 15-vjeçarja ishte një punëtore seksi.
“Gjithçka ka përfunduar tani,” këmbënguli ai, duke thënë se kishte vuajtur dënimin e tij me burg. “Çfarë doni më shumë?” /vizionplus.tv
