Një ngjarje e rëndë ka tronditur Lezhën mbrëmjen e sotme, pasi një person është vrarë me armë zjarri në fshatin Pllane.
Burime për Vizion Plus bëjnë me dije se i vrarë ka mbetur 65-vjeçari Gjovalin Prendi, i cili është babai i Siidorel Prendit alias Roan Brahimit, i cili u vra në maj të vitit të shkuar në Greqi.
Lexo edhe :
Related Posts
Raportohet se fillimisht babai i Roan Brahimit ka mbetur i plagosur rëndë dhe është dërguar në spital në gjendje të rëndë, ku dhe ka humbur jetën për shkak të plagëve të marra.
Atentati ndaj Roan Brahimit
Sidorel Prendi alias Roan Brahimi u vra në një atentat të mirëfilltë mafioz në lagjen Vyronas të Athinës, mbërmjen e 9 majit të vitit të shkuar. Krimi, në sy të gruas së tij të dytë dhe djalit të vogël ndodhi në një zonë të populluar.
Sipas mediave greke Brahimi kishte pak ditë që kishte ardhur në Greqi për pushimet e Pashkës, pasi jetonte në Dubai nga frika e një atentati. Ai kishte në Athinë një grua dhe një fëmijë, por bëhet me dije se në Shqipëri ai kishte një familje tjetër me një bashkëshorte dhe dy fëmijë.
Roan Brahimi alias Sidorel Prendi, njihet edhe si rival i Ervis Martinajt, pasi ishte i shpallur në kërkim për tu pyetur për vrasjen e Brilant Martinajt, (kushëriri i Ervis Martinajt) atentat që ndodhi në 17 korrik 2022, dhe u vranë dhe 2 të tjerë.
