Policia ka sekuestruar municion luftarak që i përkisnin dy vëllezërve e dyshohet se do të përdoreshin në ngjarje kriminale. Sipas bluve të kryeqytetit, njëri nga vëllezërit,Jesar Shabaj është arrestuar dhe tjetri Jaser Shabaj është shpallur në kërkim.
Gjatë kontrolleve u gjetën 2 mina me telekomandë, me lëndë eksplozive C4 peshë 300 gram, të programuara për shpërthim në distance, të pajisura me aparat celular dhe me kapsolla detonatore.
Municioni luftarak dyshohet se do të përdorej në ngjarje kriminale, por policia ende nuk jep detaje.
Policia ka sekuestruar celularin e të arrestuarit dhe po punon për zbardhjen e ngjarjes.
“Gjatë veprimeve hetimore të kryera në kuadër të procedimit për këtë rast, janë gjetur dhe sekuestruar, në cilësinë e provës materiale, 2 mina me telekomandë, me lëndë eksplozive C4 peshë 300 gram, të programuara për shpërthim në distancë (të pajisura me aparat celular dhe me kapsolla detonatore), të cilat dyshohet se do të përdoreshin për kryerjen e ngjarjeve të rënda kriminale. Gjithashtu janë sekuestruar aparati celular i 20-vjeçarit të ndaluar si dhe një përforcues grushti (dorezë metalike)”,njofton policia./vizionplus.tv
