Një aksion i blic i forcave Renea dhe policisë së Vlorës ka vënë në pranga 6 persona, 5 prej të cilëve anëtarë të një grupi kriminal të rrezikshëm.
Satilno Basho dhe Mariglen Aliaj u kapën në flagrancë në një lokal, me 2 pistoleta gati për qitje.
Ndërsa 4 të tjerët Bruno Shehu, Mehmet Hoxhaj, Beraldo Xhindi dhe Kevin Metaj u arrestuan për moskallëzim krimi.
Të gjithë të arrestuarit rezultojnë me precedent për krime të rënda kundër personit.
Sipas policisë, arrestimi i tyre bëri të mundur parandalimin e një ngjarjeje të mundshme kriminale e cila do të kryhej me disa armë zjarri.
Ndërkohë armët u sekuestruan me cilësinë e provës materiale, së bashku me 3 automjete që posedonin të arrestuarit, 2600 euro dhe 8 celularë. Ende nuk dihet se kush ka qenë objektivi i dy personave të armatosur që do të kryenin vrasjen.