EMRAT/ Ishte kundër lidhjes së vajzës, babai dhe të afërmit e tij marrin peng dhe dhunojnë 22-vjeçarin në Tiranë

Kanë dalë detaje të reja nga rrëmbimi i 22-vjeçarit në Tiranë i cili u mor peng nga tre persona dhe më pas u dhunua.

Gazetari i Vizion Plus, Esido Barkaj mëson se vëllezërit Arjan Çullhaj dhe Agim Çullhaj në bashkëpunim me të afërmin e tyre Erind Kullolli, kanë marrë peng në një lokal në Tiranë një 22-vjeçar, e kanë futur në makinë dhe e kanë rrahur e dhunuar në Shëngjergj të Tiranës.

Lexo edhe :

Related Posts

Morën peng 22-vjeçarin dhe e dhunuan, tre të arrestuar në Tiranë

Policia dyshon se i riu është rrahur për shkak se ka pasur lidhje me vajzën e njërit prej tyre.

I riu është goditur me grushte në pjesë të ndryshme të trupit. Pasi mori informacion policia ka shkuar menjëherë në vendin e ngjerjes dhe ka mundur ta lirojë të riun dhe të arrestojë 3 autorët.

Njoftimi:

Specialistët e Seksionit për Hetimin e Narkotikëve ekzekutuan vendimin penal për shtetasin E. B., 22 vjeç, banues në Babrru, të cilit Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Specialistët për Hetimin e Krimeve të Komisariatit të Policisë Nr. 1 arrestuan shtetasit A. Ç., 41 vjeç, A. Ç., 38 vjeç, dhe E. K., 27 vjeç, të tre banues në Tiranë, për veprën penale “Heqja e paligjshme e lirisë” kryer në bashkëpunim, parashikuar nga neni 110/25, i Kodit Penal. Këta shtetas, në bashkëpunim me njëri-tjetrin, kanë marrë forcërisht në automjet, një 22-vjeçar, dhe kanë ushtruar dhunë ndaj tij, për motive të dobëta.

Specialistët për Hetimin e Krimeve të Komisariatit të Policisë Nr. 2 ndaluan shtetasin E. S., 41 vjeç, banues në Tiranë, për veprat penale “Vjedhja” dhe “Ngacmimi seksual”, parashikuar nga nenet 134 dhe 108/a i Kodit Penal.

Specialistët për Hetimin e Krimeve të Komisariatit të Policisë Nr. 4 arrestuan shtetasin J. K., 38 vjeç, banues në Tiranë. Ky shtetas është kapur duke drejtuar automjetin, në gjendje të dehur, dhe nuk është bindur për të kryer testin e dytë të alkoolit. Gjatë shoqërimit në komisariat, 38-vjeçari ka goditur punonjësit e Policisë. Pas verifikimeve të kryera, ka rezultuar se kishte thyer masën e sigurisë “Arrest në shtëpi”.

Specialistët për Hetimin e Krimeve të Komisariatit të Policisë Nr. 6 kapën shtetasen E. S., 37 vjeçe, banuese në Kombinat, e shpallur në kërkim nga DVP Lezhë, për veprat penale “Prostitucioni” dhe “Prodhimi dhe shitja e narkotikëve”, parashikuar nga nenet 113 dhe 283/3 të Kodit Penal. /Vizionplus.tv/