Emigrantët kthehen për festat, fluks në portin e Durrësit, shtohen udhëtimet me traget  

Në portin e Durrësit ka nisur fluksi i kthimit të emigrantëve për festat e fundvitit.

Për këtë arsye nga e enjtja do të nisin lundrimet e dyfishta të trageteve që lidhin dy brigjet e Adriatikut, për të përballuar shtimin të udhëtarëve dhe të automjeteve.

Sipas kapitenit të Portit të Durrësit, për të përballuar fluksin edhe  Policia Kufitare do të punojë me 24 sportele për kontrollin e dokumenteve.

Festat e fundvitit shënojnë periudhën kur shumë emigrantë shqiptarë që jetojnë dhe punojnë në vendet e Evropës rikthehen në atdhe për të kaluar pushimet pranë familjeve të tyre./vizionplus.tv