Emigrantët nuk janë rreziku, ata janë në rrezik. Me këto fjalë i është drejtuar papa Françesku gjatë një takimi me 500 fëmijë që udhëtuan në Vatikan për një bisedë emocionuese me atin e shenjtë. Pjesa dërrmuese e fëmijëve ishin refugjatë.
“Dëshiroj të theksoj se emigrantët nuk janë rreziku që i kërcënohet evropës, por ata janë në rrezik. Një nga rojet shpëtimtare më solli këtë jelek shpëtimi dhe më tha: At unë dështova. Ishte një vajzë e vogël në det dhe nuk arrita ta shpëtoj. Ky është jeleku i saj.”
Komentet e papa Françeskut vijnë në një kohë kur emigrantët kanë ndryshuar destinacionin e tyre, duke hyrë në evropë përmes detit Mesdhe. Vetëm javën e fundit nga vendet në krizë kanë mbërritur 14 mijë emigrantë në Itali. Sipas statistikave të OKB-së ka një numër më të lartë të minorenëve refugjatë krahasuar me vitin e kaluar.
