Elisabeta Imeraj do të jetë prokurorja që do të vijojë hetimet kundër Francesco Becchettit, i cili akuzohet për pastrim parash.
Pas zvarritjes së kësaj çështjeje, duket se vetë drejtuesja e akuzës së Tiranës, ka marrë përsipër dosjen për ta çuar në gjykim.
Seancat janë shtyrë prej kohësh pas dorëheqjes se dy prokurorëve të mëparshëm.
Burime nga prokuroria thanë për Vizion Plus se akuza ndihet e plotë pasi disponon prova të reja mbi këtë çështje.
Kujtojmë që Shqipëria ka një borxh mbi 100 milionë euro për rastin e Bechetit vendosur nga Gjykata e Arbitrazhit.
Po ashtu, mësohet se institucionet po bashkëveprojnë për kërkimin e të drejtës së shtetit shqiptar.
