Uruguai mori kryesimin e grupit amerikano-latin teksa mundi Perune me rezultatin 1-0, ne ndeshjen e vlefshme per eliminatoret e botërorit Rusi 2018. Autori i golit te vetëm per vendasit Edinson Cavani ne minutën e 53. Me kete fitore Uruguai u ngjit ne kuotën e 13, po aq sa Ekuadori qe nga ana e tij u mund ne Kolumbi me rezultatin 3-1. Heronjtë e vendasve Karlos Baka, autor i nje dopiete dhe Perez, duke bere tashme qe Kolumbia te futet fuqishëm ne loje për kualifikimin. Pas një fillimi jo shume entuziast, Argjentina ju rikthye nivelit te kërkuar teksa arriti nje tjetër fitore kete here ndaj Bolivisë 2-0. Per te zotet e shtëpisë golat u shënuan nga Mercado dhe Lionel Mesi nga pika e bardhe. Nuk shkoi me shume se barazimi 2-2 takimi mes Paraguai dhe Brazilit. Vendasit u duk se kishin situatën nen kontroll kur deri 11 minuta nga fundi udhëhiqnin 2-0 fale golave te Lezcano dhe Benitez. Por ne minutën e 79 Ricardo Oliveira ngushtoi diferencën përpara se Dani Alves ne minutën e 2 te shtesës te vuloste rezultatin përfundimtar 2-2. Nje fitore te rëndësishme arriti Kili ne Venezuele 4-1 duke mbajtur gjalle shpresat per kualifikimin. Golit te vendasve qe ne minutën e 9-te te takimit, kilianet ju kundërpërgjigjen duke gjetur rrjetën kater here me dopietat e Pinilla dhe Arturo Vidal.

Leave a Reply

Your email address will not be published.