Elbasan, tritol një lokali

Rikthehen shpërthimet me tritol në qytetin e Elbasanit. Këtë herë objekt i sulmit është bërë një lokal që ndodhet përgjatë bulevardit kryesor të qytetit, në pronësi të Endri Çotës. Ngjarja ndodhi mëngjesin e së mërkurës, rreth orës 03:00, kur persona të paidentifikuar kanë vendosur një sasi eksplozivi pranë lokalit. Si pasojë e shpërthimit, është dëmtuar vetëm pjesa e jashtme e ndërtesës, si dhe janë thyer xhamat e banesave në afërsi të saj. Për të zbardhur ngjarjen dhe identifikuar autorët, policia ka marrë filmimet e kamerave te sigurisë në afërsi të zonës se krimit. Një nga pistat e hetimit është ajo e konkurrencën, pasi lokali është hapur vetëm pak kohe me pare.