Që prej ditës së sotme në pjesën më të madhe të shkollave 9-vjeçare të bashkisë së Elbasanit ka filluar shpërndarja e teksteve shkollore për nxënësit e klasave të para dhe të 5-ta .
Drejtoresha e shkollës 9-vjeçare “Qamil Guranjaku’ në Elbasan shprehet se të gjithë prindërit të cilët tashmë e kanë përfunduar proçesin e regjistrimit të fëmijëve mund të paraqiten për të tërhequr tekstet, të cilat për këto dy klasa ofrohen falas nga qeveria shqiptare.
Ndërkohë nga na tjetër vijojnë edhe regjistrimet për klasat e para për të cilat znj.Çota shton se nisur nga eksperienca e viteve të mëparshme veç dokumentave të caktuara nga Ministria e Arsimit duhet të shtohet edhe një dokument rekomandimi apo këshillim nga psikologet në mënyrë që fëmijët të cilët do të nisin shkollën të adaptohen më lehtë më kushtet e reja.
Përsa i përket plotësimit të dokumentacionit me kryerjen e vizitave ORL të detyrueshme për tu regjistruar në shkollë, në poliklinikën e specialiteteve në Elbasan nuk ka fluks të shtuar apo radhë të gjata pasi me marrjen e rekomandimit nga mjeku i familjes shumë prindër zgjedhin t’i vizitojnë fëmijët e tyre edhe në klinika private.
