Një kamion ka dalë nga rruga gjate natës duke u gdhire e mërkura dhe ka rënë në lumin Shkumbin në aksin rrugor Elbasan-Librazhd, në vendin e quajtur Xibrakë. Fatmirësisht, nuk ka patur viktima. Sipas policisë, kamioni tip bot qe ishte pa ngarkese, po udhëtonte nga Tirana në drejtim të Korçës dhe ka dalë nga rruga, ne nje segment ku shpeshherë ka rrëshqitje dherash. Drejtuesi i mjetit ka pohuar se ka humbur kontrollin, pasi është verbuar nga një mjet tjetër, i cili vinte në drejtim të tij me drita te gjata. Për te shmangur përplasjen, ai është detyruar te devijoje, duke goditur betonin e rrugës.
