Elbasan, gjendet e pajetë në ullishte e moshuara

Një 79 vjeçare është gjetur e pajetë në Elbasan pranë një ullishteje në lagjen “Haxhia”.

E moshuara është identifikuar si shtetasja B.S., banuese po në lagjen “Haxhias”.

Sipas policisë 79 vjeçarja ishte shpallur në kërkim për largim nga banesa me datë 11.08.2019.

Ndërkohë nga këqyrja e trupit nuk janë konstatuar shenja dhune. Dyshohet se e moshuara ka ndërruar jetë për shkaqe natyrale.

Grupi hetimor ndodhet në vendngjarje dhe po punon për sqarimin e rrethanave të ngjarjes.