Barcelona mundi Real ne El Clasico, duke rihapur luftën per titull ne kampionatin spanjoll. Ne supersfiden e javës 33 katalanasit fituan 3-2 ne Santiago Bernabeu, duke u ngjitur ne kuotën e 75 pikëve, po aq sa skuadra e Zinedin Zidan, por këta te fundit kane edhe nje ndeshje me shume per te luajtur. Një ndeshje me mjaft emocione qe ne fillim te takimit me sulme dhe kundra sulme nga te dy skuadrat. Gjithsesi te zotet e shtëpisë ishin te paret qe gjeten rrjetën, kur ne minutën e 28 Casemiro kaloi ne avantazh skuadrën e tij. Por avantazhi i vendasve zgjati shume pak kur Lionel Mesi 4 minuta me vone, ktheu gjithçka ne baraspeshe, kur pasi gënjeu Modric e Serxhio Ramos nuk e kishte te vështire te mposhte portierin Navas. Edhe pjesa e dyte e pasur ne emocione ku protagonist u bene Ter Stegen dhe Navas me pritjet e tyre. I pari bllokoi Kroos dhe Benzema, ndërsa portieri i Realit i pamposhtur përballe tentativave te Paco Alcacer dhe Pique, por edhe Suarez ne minutën e 68-te. Ne minutën e 73, Barcelona e pa veten per here te pare ne avantazh kur Rakitic mposhti portierin kundërshtar. 4 minuta me vone Serxhio Ramos la skuadrën me nje lojtar me pak pas një ndërhyrje te gabuar ndaj Lionel Mesi. Pavarësisht inferioritetit numerik madrilenet ne sulm per golin e barazimit, duke e gjetur ate tre minuta nga fundi i kohës se rregullt me Hames Rodrigues, i cili shfrytëzoi mjaft mire nje pasim te Marcelo. Atëherë kur pritej qe supersfida te mbyllej ne barazim Serxhi Roberto i papërmbajtshëm ne mesfushe ne minutën e 92 dhuroi nje top per Lionel Mesin, i cili me golin me numër 500 ne karrierën e tij vulosi fitoren e skuadrës, rihapi kampionatin duke bere qe te heshtnin edhe te gjithë kritiket e tij per këtë sezon.
