Menjëherë pasi mediat hodhën dyshime se në krye të ISIS do të vinte Haxhi Abdullah al-Afari, i njohur ndryshe me pseudonimin “profesori”, presidenti amerikan Trump njoftoi se trupat elite eliminuan liderin e ardshëm të shtetit islamik.
Përmes një njoftimi në tuitter Trump shkruan: “Sapo u konfirmua që zëvendësuesi numër nje i liderit të ISIS, Abu Bakr al-Baghdadi, është ekzekutuar ngta trupat amerikane. Edhe ai ka vdekur tashmë.”
Megjithatë ShBA-të ende nuk e kanë konfirmuar nëse bëhet fjalë për ekzekutimin e “Profesorit”.
Lajmi për eliminimin e zëvendësit të liderit të ISIS, vjen vetëm 2 ditë pasi presidenti Trump tha në një konferencë të jashtëzakonshme për shtyp se Abu Bakr al-Baghdadi hodhi veten në erë së bashku me 3 fëmijët e tij.
Gjatë operacionit trupat amerikane kanë kapur edhe 2 persona të tjerë që shoqëronin themeluesin e organizatës terroriste.
