Ekzekutohet një 36 vjeçar në Vlorë

Ekzekutohet me armë zjarri një 36-vjeçar në Vlorë. Ngjarja ka ndodhur mbrëmjen e së mërkurës rreth orës 21:40 në lagjen “Rilindja” të qytetit bregdetar, ku viktimë ka mbetur Andrea Billa, i njohur gjithashtu dhe me emrin Agim Meli. Vrasja ka ndodhur 3 metra larg banesës së tij sapo 36 vjecari ka zbritur nga makina e tij tip Fuoristrad Ford është goditur në një distancë të afërt me 3 plumba me pistolete te vogël te kalibrit 7.2 pa u dëgjuar asnjë zhurme. Sipas policisë autoret e krimit kanë qenë dy persona me makine. Viktima është pikasur nga një banor i lagjes i cili ka pare trupin e shtrire ne toke. Andrea Billa sapo kishte ardhur në Shqipëri përmes Rinasit në datën 31 dhjetor për të kaluar festat ne Vlore. Billa ishte i martuar me tri fëmijë dhe jetonte aktualisht në Spanjë. Me pare kishte jetuar ne Greqi dhe ishte një person që lëvizte pothuaj ne te gjitha shtetet. Dyshohet që viktima ishte i implikuar ne grup kriminal dhe sipas dyshimeve te para, mendohet qe vrasja është kryer për larje hesapesh. Nga kontrollet në vendin e ngjarjes, ka dyshime se ai është qëlluar nga afër pasi 2 nga 4 plumbat që janë qëlluar mbi të, i ka marrë në kokë. Policia e Vlorës ka ngritur menjëherë pika kontrolli të shumta në të gjitha akset kryesore të qytetit dhe është duke punuar për zbardhjen e shkaqeve të ngjarjes dhe identifikimin e autorëve.