Një ngjarje e rëndë ka ndodhur mbrëmjen e së enjtes në Strugë ku një shqiptar është vrarë me armë zjarri.
Ngjarja ka ndodhur në fshatin Poum të Strugës në Maqedoninë e Veriut, ku autori me iniciale U.B. 22 vjeç ka qëlluar me armë ndaj disa shqiptarëve.
Si pasojë e të shtënave ka mbetur i vdekur 23-vjeçari Z.B, ndërsa është plagosur shoku i tij V.B, i cili është dërguar në spitalin e Strugës.
Gjithashtu bëhet me dije se autori, pasi ka qëlluar me armë është vetëdorëzuar në polici.