Ekzekutohet gazetari dhe publicisti i njohur meksikan Javier Valdez. Persona të paidentifikuar hapën zjarr ne drejtim te mjetit te tij ne qytetin Culiacan, pak metra larg redaksisë ku ai punonte prej vitesh, duke e lënë të vdekur në vend.
Valdez, 50 vjeç, mori Çmimin e Lirisë Ndërkombëtare për Shtyp nga Komiteti për Mbrojtjen e Gazetarëve në vitin 2011 për raportimet e tij ne lidhje me trafikut e drogës. Ai është gazetari i pestë që vritet në Meksikë gjatë këtij viti. Gjatë karrierës së tij per gati 3 dekada, Valdez ka raportuar gjerësisht mbi trafikimin e drogës dhe krimin e organizuar në Meksikë, përfshirë kartelin e fuqishëm të drogës Sinaloa.
Karteli besohet të jetë përgjegjës për rreth 25% të të gjitha drogave ilegale që hyjnë në SHBA nëpërmjet Meksikës. Presidenti Nieto e denoi ashpër ngjarjen, duke i bere thirrje organeve përkatëse te bëjnë sa me shpejt drejtësi.
Sipas Komitetit per mbrojtjen e gazetareve qe nga viti 1992, 38 gazetare janë vrare ne Meksike kryesisht nga kartelet e drogës dhe krimi i organizuar.
