Ekzekutimi i babë e bir në Elbasan, arrestohet Ardjan Çapja, në kërkim një tjetër

Arrestohet Ardian Çapja, i dyshuari për vrasje të dyfishtë të ndodhur në Elbasan në vitin 2012, ndërsa është shpallur në kërkim nipi i tij, Florenc Çapja, 40 vjeç.

Ardian Çapja dyshohet se në bashkëpunim edhe me persona të tjerë, kanë vrarë me armë zjarri shtetasit Gentian dhe Nezir Beqiri, babë e bir.

Gjatë arrestimit, 53-vjeçarit iu gjet edhe një armë zjarri kallashnikov. Arrestimi Çapjas u bë pas rrëfimit të një të penduari të drejtësisë, Ervis Bardhit.