Ekstradohet nga Hollanda 39 vjeçari nga Fieri i dënuar me 23 vite burg për “Vrasje”, me 8 vite burg për “Trafik të narkotikëve” dhe me 1 vit burg për “Armëmbajtje pa leje”.
Shtetasi Bledar Qemalaj është arrestuar nga autoritetet policore hollandeze me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qëndrore Kombëtare Interpol Tirana, pasi:
Gjykata e Shkallës së Parë për Krimet e Rënda Tiranë në 2006 e ka dënuar këtë shtetas me 23 vjet burg për veprën penale “Vrasje me paramendim” ndërsa po kjo gjykatë 3 vite me vonë e ka dënuar këtë shtetas me 8 vjet burg për veprën penale “Trafikim të lëndëve narkotike”.
Ndërkohe Gjykata e Apelit Vlorë në 2004 e kishte dënuar me 1 vit burg, për veprën penale “Mbajtja pa leje e municioneve luftarake.
Ngjarjet per te cilat Bledar Qemalaj:
Më datë 03.05.2004 në rrugën “Qemal Stafa”, Tiranë, shtetasi Bledar Qemalaj ka vrarë me armë zjarri shtetasin E. V.
Në datën 25-26 gusht 2004 shtetasi Bledar Qemalaj në bashkëpunim me disa shtetas të tjerë ka arritur që të trafikojë nga Shqipëria drejt Italisë 15 kg lëndë narkotike e llojit (Heroinë).
