Subscribe

22 vite pas ngjarjes më të rëndë, e që ka lënë gjurmë të thella në memorien e çdo qytetari të Kosovës, gjenocidit Serb, historian Ragip Zekolli sjell përmes imazhit të fotografisë detaje të pazbuluara më parë.

 

Me revoltën e fortë që vihet re që në emërtimin e ekspozitës “Mos harro”, Zekolli kërkon të trokasë nëpërmjet artit të fotografisë në ndërgjegjen e gjithkujt.

 

RAGIP ZEKOLLI

HISTORIAN

“kam frikën që ne si popull shumë shpejt kemi filluar të harrojmë. Ekspozita mban moton “mos harro” për arsyen se kaluan 22 vite nga lufta shumë ë madhe në Kosovë, nga një horror, nga një gjenocid që është ushtruar në popullsinë e pafajshme.”

 

Përveç 70 fotove në Tiranë autori ekspozon edhe kujtimet e tij mbi atë ngjarje të jetuar.

 

RAGIP ZEKOLLI

HISTORIAN

“fotografitë janë të gjitha autoriale dhe përmbajnë pjesën e dhimbjes së madhe që ka ndodh në Kosovë. Unë kam një fotografi objekti dhe po më kujtohet kur është sulmuar për herë të parë në Kosovë është bërë sulmi mbi stacionin më të madh të policisë në Prishtinë dhe ajo fotografi më thotë shumë sepse ishte fotografi e shpresës.”

 

 

Këto fotografi mbi të gjitha janë një kambanë alarmi për të mos harruar atë pjesë të shkuar të historisë, veçanërisht tek brezat e rinj.

 

DORIAN KOÇI

DREJTOR I MUZEUT HISTORIK KOMBËTAR

“këto janë ikona shumë të trishta por njëkohësisht janë ikona që shërbejnë si kambanë alarmi për shqiptarët kudo jetojnë, për komunitetin ndërkombëtar, për të mos harruar kurrë atë që ndodhi.”

 

Ekspozita “Mos harro”, e cila do të udhëtojë në disa shtete, do të qëndrojë e hapur në Muzeun Historik Kombëtar deri në datën 6 nëntor.

 

EKSPOZITE PER GENOCIDIN SERB

 

“MOS HARRO” SJELL 70 FOTOGRAFI NGA VUAJTJET E KOSOVAREVE

 

 

Leave a Reply

Your email address will not be published. Required fields are marked *