Eksport mishi me Ukrainën
Pas afro 27 vite demokraci, vetëm tani, Shqipëria ka të drejtë të eksportojë mish dhe nënprodukte të qumështit. Bizneset vendase kanë arritur të bindin autoritet Ukrainase, që të pranojnë produktet shqiptare, duke garantuar për sigurinë e tyre.
Shqipëria është e bllokuar për të eksportuar produktet e gjësë së gjallë në tregun evropian, pasi autoritet nuk kanë besim tek shërbimet tona veterinare, por edhe tek analizat laboratorike. Ky fakt e ka penalizuar Shqipërinë prej vitesh, por nisja e eksportit me Ukrainën, mund të shënojë një fillim edhe me vendet evropiane.
Mungesa e besimit tek autoritet tona shtetërore është njëra anë e medaljes. Tjetër shqetësim ne zhvillimin e tregtisë mbeten tarifat doganore. Sipas të dhënave, produktet nga Ukraina eksportohen ne Greqi apo Mal te Zi, pasi nuk aplikojnë tarifa doganore, e me pas vijnë ne Shqipëri.
