Një ditë më parë, autoritetet shëndetësore konfirmuan se varianti britanik tashmë qarkullon në vendin tone. Por ekspertët shprehen se ky lloj virusi mund të jetë shfaqur disa muaj më parë, çka është reflektuar edhe në shifrat e larta të të infektuarve këtë fillim viti, raporton Vizion Plus.
“Ne e dinimin që ishte. Nuk na intereson se çfarë ngjyre ka flamuri i variantit, por na intereson sa janë rastet. Sa nga këto raste janë në gjendje klinike më të rëndë. Ne mund të kuptojmë shumë nga mosha e atyre që sëmuren për të ditur sa mund të jenë nevojat spitalore. Çështja është sa për qind e rastve janë me këtë variant. Ka nevojë për një ndjekje dinamike”, u shpreh Alimehmeti.
Por, sipas Alimehmetit ka pikëpyetje të shumta se sa për qind e popullatës është prekur nga ky mutacion.
Epidemiologu shpjegon se i vetmi ndryshim nga virusi klasik është se transmetueshmëria e tij është shumë më e shpejtë, ndërsa simptomat janë të njëjta.
