Dëmet e shkaktuara pas tërmetit të së shtunës për inxhinjerët e ndërtimit janë një test i kaluar me sukses, lidhur me sigurinë e objekteve të ndërtuara vitet e fundit.
Godinat I rezistuan goditjeve dhe ky është një test I kaluar me suskes. Pra ne inxhinjerët janë në gjëndje të projektojnë dhe të ndërtojmë me standart, thotë Agron Hysenlliu, drejtor i Institutit të Ndërtimit.
Pas verifikimeve praraprake në terren, inxhinierët kanë arritur në konkluzionin se nuk ka dëme në strukturën e objekteve të prekura.
99 % e godinave kanë pasur problem rifiniture dhe jo strukturore. Ky është një lajm i mirë.
Ekspertet bëjnë apel që banorët të shmangin panikun dhe të qëndrojnë në banesat e tyre.
Pra me pak fjalë ka ndryshim në standartin e jeteës së banorëve për shkak të disa çarjeve të mureve por jo në sigurinë e tyre.
Mbi 70 inxhinjer të kompanive private i janë bashkuar thirjes së ministrisë së Infrastrukurës për tu bërë pjesë e grupeve të punës për verfikimet në terren.
Sipas të dhënave janë rreth 500 objekte që do të inspektohen. Sa i përket qarkut të Tiranës, banesat private në zona rurale kërkojnë më shumë vëmendje për shkak se janë godina më të amortizuara.
