Kjo është makina e autorëve të atentatit ndaj prokurorit Arjan Ndoja pasditen e së premten në mbikalimin e shkozetit.

 

Vizion plus ka siguruar pamjet e trasportimit drejt policisë së Tiranës të mjetit tip “benz e class evo” ngjyrë gri, i cili u gjet i braktisur pas ngjarjes në fshatin Shkafane në Ishëm.

 

Policia është kujdesur të mbulojë edhe targat e mjetit që rezulton i vjedhur nderkohë që i makina i është nënshtruar një eskpertize te detajuar për të përfituar gjume gishtash dhe profile ADN-je.

 

Sipas burimeve nga policia në brendësi të mjetit janë gjetur edhe 2 kallashnikov që dyshohet se janë përdorur në atentatin ku mbeti i plagosur edhe Aleksander Laho dhe shoferi prokurorit Ndoja, Andi Maloku.

 

Edhe armët do t’i nënshtrohen eskpertizës balistike ndërkohë që grupi hetimor i ngritur per ngjarjen ka sekustruar pamjet e disa kamerave te sigurise pergjate autostradës.

 

Nga hetimet rezulton se para atentatit prokurori Ndoja dhe 2 shtetasit e tjere kanë qenë duke drekuar në një restorant në zonën e plazhit.

 

Ata dyshohet se kanë qenë në ndjekje nga atentatorët që mendohet të kenë qenë 2 ose 3 persona.

Ndërkohë prokurori i Durrësit Arjan Ndoja është marrë në pyetje në spitalin e Durrësit ku në dëshminë paraprake është shprehur se nuk beson se ka qenë ai shenjestra e sulmit dhe se nuk ka mundur t’i identifikojë autorët.

 

Për shkak të demtimeve në nofull, Aleksandër Laho i njohur edhe i Landi Muarremi me pseudonimin Rrumi nuk ka mundur te japë një dëshmi që cilësohet e rëndesishme për hetimet nisur nga e kaluara e tij me precedente penal.

 

Ndërkohë situata shëndetesore e shoferit Andi Maloku i cili ndodhet në spitalin e traumës paraqitet ende kritike për shkak të plagëve të marra.

 

Hetimet per atentatin e se premtes po drejtohen nga porkuroria e krimeve te renda dhe oficere të drejtorisë së përgjithshme te policisë.

 

Leave a Reply

Your email address will not be published. Required fields are marked *