Nuk ishte një dasmë e zakonshme. E jashtëzakonshme, është pak të thuhet.
Pas ceremonisë së celebrimit ishte radha e festës së përbashkët, të familjeve dhe miqve më të ngushtë të Orindës dhe Turjanit.
Në një ambient të hapur, krijuar enkas për këtë festë, Geraldina Sposa realizoi një nga dekoret më gjigande të saj. Nuk ishte e thjeshtë, e nëse të ftuarit shijon mrekullinë e arredimit, për stafin që realizoi çdo detaj në arredimit, ndricimit, rekuizitës, fonisë ishte një ditë e mbushur me shumë intensitet.
Rreth 100 persona staf, vraponin për të kornizuar realizimin e një dasme ëndrrash.
Mjeshtrat e dekorit na thanë se kanë realizuar tre herë montimin dhe çmontimin e tij, për shkak të shiut, të cilin duket sikur e largoi dikush me dorë sapo afroi pasditja.
Në sytë e të ftuarve lexohej gëzimi, emocioni, kureshtja për të parë se si do të ishte dasma e vitit.
Dhe kështu ishte hyrja e tyre, spektakolare, e kuruar në detaje. Që nga logo e dasmës në led wall TO27, deri tek plansheti i pistës ku do të kërcenin të ftuarit, e deri tek arredimi që të çonte drejt ëndrrës.
Një zë na lajmëroi se Orinda dhe Turjani po hynin në pistën e krijuar për natën e tyre të magjishme. Na besoni, ishte më tepër se një ëndërr.
Çifti kishte zgjedhur himnin e dashurisë së tyre, këngën “Tonight” nga Reamon për të kërcyer pas shfaqjes në pistë.
Pas kërcimit ishte vetë Turjani, që bëri hapjen e dasmës. Vetëm kaq mjaftoi që cdo minutë më pas, ta kthenin dasmën e tyre, në një nga festat më të bukura, që kemi parë në showbiz-in shqiptar.
Prekeni dhe ju ëndrrën e Orindës dhe Turjanit në videon më poshtë:
