Janë të tria nxënëse të shkëlqyera të gjimnazit “Sami Frashëri”, që me përkushtim dhe pasion ndaj dijes, janë shembull frymëzimi për bashkëmoshatarët e tyre.
Ema Martiri, Melisa Malo dhe Emili Zenelaj janë ndër emrat që spikasin për rezultatet e larta në mësime.
Për Eman, suksesi nuk është i rastësishëm, por rezultat i punës së vazhdueshme dhe mbështetjes së familjes e mësuesve.
Ndërsa Melisa e sheh ekselencën si një përgjegjësi për të ecur më tej në pasionin e saj për shkencat ekzakte.
Emili tregon se përkushtimi ndaj mësimeve është një investim për të ardhmen.
Të tria nxënëset, përveç vlerësimit të lartë në shkollë, kanë përfituar prej vitesh edhe bursën e ekselencës, prej 45.000 lekë për një vit shkollor që jepet në muajin dhjetor për nxënësit më të mirë në shkallë kombëtare.
/vizionplus.tv
