Efektivi i RENEA-s kapet me kokainë

Një efektiv i RENEA-s u kap me kokainë këtë të premte në Tiranë.

Burime për “Vizion Plus” thanë se në pranga ra Xhulio Liçi, së bashku me dy persona të tjerë.

Gjatë operacionit policor u sekuestrua 1 kg kokainë, ndërsa po ushtrohet kontroll edhe në banesat e të prangosurve.

Efektivët e kanë ndjekur Xhulio Liçin për disa ditë me radhë, deri në momentin e finalizimit të operacionit.