Këtë të hënë në mbledhjen e dytë të Komitetit Kombetar të Rindërtimit, kryeministri Edi Rama ka deklaruar se të pastrehët nga tërmeti do të jetojnë në shtëpi me qera.
Shefi i qeverisë është shprehur se pritet që qytetarët të qëndrojnë me qira deri në maj të vitit 2021, afat I parashikuar për të përfunduar edhe rindërtimin e lagjeve të reja.
“Programi bëhet për ata që kanë humbur strehën ose rrezikojnë jetën nga banesa e tyre. Këto janë shtëpi pak a shumë dhe ne vijomë regjistrimin të atyre banesave që nuk i kemi bërë ende, ose regjistrimin e atyre që janë bërë pa të drejtë. Për qiratë, Bashkitë duhet të bëjnë kontratën që mos të vijnë dhe të thojnë “kemi rritur qiranë” dhe kontratën e garancisë që deri në maj 2021 marrim përsipër strehimin tend”.
Gjithashtu Rama ka theksuar se me datë 16 dhjetor do të ketë dhe raportin përfundimtar në lidhje me dëmet e shkaktuara nga tërmeti i 26 nëntorit.
“Nuk ka ende nuk raport paraprak të dëmeve përfundimtare. Një grup me ne Bankën Botërore dhe OKB është duke punuar, në 16 dhjetor synohet të dalë raporti i parë paraprak. Do të ketë një raport paraprak, një të dytë dhe një final në fund të muajit janar për t’i hapur rrugë konferencës së donatorëve”.
