Kongresi I PS dhe ndalesa e radhës në turin e Edi Ramës “bashkia që duam” ka mbledhur ne kryeqytet mijëra mbështetes të PS, jo vetëm nga kryeqyteti por edhe nga rrethet.
Pas përfundimit të sesionit të parë të punimeve të Kongresit, të pranishmit iu drejtuan sheshit “Nene Tereza” ku kryeministri Rama doli përkrah Veliajt për ta rikonfirmuar si kryebashkiak për një tjetër mandat.
Por e folura përballe mijera mbështetesve të PS që kishin mbushur plot jo vetëm sheshin por edhe bulevardin “Dëshmorët e Kombit” si një shenje force përballe opozitës në aspektin e numrave, bëri që Rama të mos kursehej në batuta.
Fillimisht ai sfidoi Bashën duke I lëshuar “dorashkën”, teksa tha se ishte gati të shkonte ne zgjedhje te parakohshme ne vjeshte nese Basha dhe aleatet e tij merrnin qoftë edhe një bashki me shumë në 30 qershor.
Por pas ofertes Edi Rama artikuloi dhe nje konstatim te tij: pafuqine e Bashës për tu përballur me vote, duke mos u kursyer në fjalor përballë rivalit të tij politik.
Keni nisur prapë avazin, nuk futemi në zgjedhje me këtë kryeministër, me ketë qeveri, punë e madhe fort. Of uf uf. Ka ardhur koha që kjo vallja me maska e Lulit të mbarojë njëherë e mirë.Lulzim Basha i ka tmerr zgjedhjet sepse nuk i fiton dot. Lulzim Basha nuk i fiton dot as në partinë e tij por të mos i vjedhë. Jo më ti fitojë me xhelisin e madh të sistemit që kemi zgjedhur që as nuk do ta ndërrojmë dhe as nuk do ta përçudnojmë për hatër të Lulzimit. Madje unë kam një dyshim por nuk e provoj dot sikur ne të mos futemi në zgjedhje më 30 qershor dhe Luli të futet vetëm prapë nuk i fiton zgjedhjet sepse seriozisht mund ti vjedhë por nuk i fiton dot. Jo më ta votojnë. Një njeri e ka humbjen të shkruar në ballë, një lider pa hallate që djeg mandatin e përfaqësimit të popullit për tu fshehur mes turmës. Jam njëri si ju, tani ju përpara ikni dhe digjeni parlamentin për mua. Çfarë lideri është ky? Me mëngët e këmishës përveshur, një burrë që mendon vetëm për veten dhe që vetëm gënjen çdo njeri që i del përpara dhe zhgënjen çdo njeri që e ha.
Rama komentoi jo pa ironi edhe deklaratat e presidentit Meta, se është gati të japë edhe jetën për të shmangur instalimin e një junte.
“ Cdo ditë deri në darkë, miza bëhet buall dhe derrave të shtrirë në kolltuqe u drejtohen me fjalën ‘zotëri’. A mendoni se Meta do vrasë veten? C’e ka shtyrë Presidentin të vrasë veten? Z.Kradi? Dhe derrat e shtrirë japin mendim, bëjnë vëzhgime, japin opinione. Po ta besojmë Monikën LSI nuk përfaqëson më as Ilir Metën. Ilir Meta ndihet kaq i papërfaqësuar sa i duket sikur një juntë ushtarake do sulmojë pallatin Presidencial. Zoti president e di që më dëgjon rri i qetë. Jemi dhe do të mbetemi gjithmonë vend i NATO-s. Nëse nuk më beso mua beso Pandin. Të garantoj se sa të kemi Pandin ky vend nuk del nga NATO. Dhe në fund të ditës fundi politik i Lulit dhe i Monikës nuk duhet të jetë problemi im, i yti dhe i yni.Dhe kërcënimit të sistemit demokratik të tyre Zoti President ne bashkarisht si vend i NATO-s do i përgjigjemi si ushtar në mbrojtje të demokracisë. Rri i qetë! Dhe mos i shko më në mend ato çudira se na hutove.”
