Subscribe

Kryeministri Edi Rama ka deklaruar se shqiptarët dhe serbët mund të bëjnë për Ballkanin atë çfarë francezët dhe gjermanët e kanë bërë për Evropën.

 

Përmes një interviste të dhënë për televizionin serb TV Pink, kryeministri Rama ka folur edhe për “Shqipërinë e madhe”, taksën e Kosovës për produktet serbe dhe kufijtë në Ballkan.

 

Në fjalën e tij shefi i qeverisë ka theksuar se termi Shqipëri e Madhe nuk ekziston.

 

“Nuk ka ‘Shqipëri të madhe” as në Romantizmin shqiptar, as në Renesancë, as para apo as pas. Ka vetëm një ide të qartë që ne jemi vëllezër të cilët jetojnë nëpër v ende të ndryshme dhe që kemi nevojë për bashkim. E shoh si bashkim të rrugës sonë drejt BE dhe nëse ka diçka të madhe, është një BE e madhe”.

 

Ndërsa në lidhje me kufinjtë kryeministri Rama është shprehur se të gjithë së bashku mund të bëjnë një një hapësirë më ndryshe brenda rajonit dhe të jetojmë sikur të jetonim në një BE pa kufij.

“Mund të bëjmë shumë që së bashku ta bëjmë një hapësirë më ndryshe brenda rajonit dhe të jetojmë sikur të jetonim në një BE pa kufij. Të sigurohemi që tregtia, bashkëpunimi, investimet, kultura dhe gjithçka tjetër të jetë e lidhur. Ne mund ta bëjmë këtë dhe nuk duhet ta presim momentin që të bëhemi anëtarë të BE-së, por që këtë ta bëjmë në mënyrë paralele”.

 

Rama ka thënë se Samiti i Berlinit i mbajtur më 29 prill ka qenë i frytshëm.

“Ka qenë shumë me rëndësi që së bashku Merkel dhe Macron e organizuan këtë samit sepse treguan vëmendje të veçantë dhe vullnet për t’u ripërballur me çështjen e rajonit dhe për t’iu adresuar çështjeve të bashkëpunimit rajonal dhe po ashtu një prej çështjeve më të rëndësishme dhe më komplekse të ditëve të sotme – dialogut në mes të Kosovës dhe Serbisë”.

 

Sipas Ramës në Berlin, as Kancelarja, apo Presidenti i Francës nuk ka kërkuar heqjen e tarifës por pezullim te saj për t’i dhënë mundësi një kapitulli të ri të dialogut.

Leave a Reply

Your email address will not be published. Required fields are marked *