Pas më shumë se 3 orësh, kryeministri i vendit, Edi Rama e ka mbyllur konferencën e fundvitit me një falenderim dhe urim për të gjithë gazetarët.
Gjatë konferencës, Rama renditi arritjet kryesore të vendit gjatë vitit që po lëmë pas, që nga hapja e grup-kapitujve me Bashkimin Evropian e deri te rritja ekonomike. Ai u ndal edhe te ngjarjet e fundit në vend siç janë dhe hetimet e SPAK ndaj kryebashkiakut Erion Veliaj.
Në fund kreu i qeverisë falenderoi gazetarët për punën e bërë përgjatë gjithë kësaj kohe, teksa i uroi shëndet e çdo të mirë gjatë vitit që presim.
“Për gjithë këtë punë që bëni dhe përpjekje kohë energji që harxhoni respekte, ndërkohë që iu uroj sinqerisht të keni të gjithë frymëzimin, pasionin, shëndetin edhe patjetër jo vetëm për veten, pro e familjarisht, për prindërit, bashkëshortët, këdo që iu do zemra, fëmijët, gëzuar edhe çdo të mirë për të gjithë ju dhe për këdo tjetër që ju doni ta shikoni mirë. Unë dua tju shoh mirë të gjithëve pa dallim. Faleminderit shumë”, tha Rama.
