Partia Demokratike ka akuzuar qeverinë se i ka garantuar mbrojtje Edmond Begos, ish-anëtarit te bandës se Aldo Bares, i arrestuar pasditen e se shtunës ne Greqi, duke kërkuar veprim te menjëhershëm nga ana e organit te akuzës.
Edi Paloka: Pavarësisht se ka qenë i shpallur në kërkim nga autoritetet italiane, trafikanti ndërkombëtar i drogës, anëtari i bandës së Aldo Bares, jetonte i lirë në Shqipëri, ku drejtonte edhe një biznes ndërtimi, nën mbrojtjen politike të kësaj qeverie. Sot kërkojmë edhe nga prokuroria të nisë menjëherë hetimet për të zbardhur arsyet e moszbatimit të ligjit dhe mosveprimit të Policisë së Shtetit ndaj këtij trafikanti ndërkombëtar droge.
Opozita ka ngritur disa pikëpyetje ne lidhje me çështjen e Edmond Begos.
Çfarë lidhjesh me njerëz të pushtetshëm kanë detyruar Policinë e Shtetit të mbylli sytë dhe të mos shohë një trafikant ndërkombëtar droge që shëtit i lirë nëpër Shqipëri?
A është Taulant Balla politikani që e ka marrë në mbrojtje trafikantin e drogës dhe bën biznes me të?
Ne emër te opozitës Paloka ka paralajmëruar publikimin e fakteve qe sipas PD shpjegojnë pse ligji nuk ka vepruar ndaj Edmond Begos.
