Suedia është ekipi i radhës që kualifikohet në çerekfinalet e botërorit Rusi 2018. Ajo mposhti Zvicrën me rezultatin minimal 1 me 0, por mjaftueshëm për të çuar rivalët në shtëpi.
Në fakt ishte Zvicra ajo që këmbënguli gjatë për të gjetur rrjetën, me aksione të rrezikshme, por nuk ja doli. Edhe për suedezët pati momente shumë të mira kundërsulmi, por që nuk u finalizuan me gol.
Kështu u mbyll pjesa e parë.
Në të dytën, sërish një lojë thuajse e barabartë deri në minutën e 66, kur Akanxhit devijon një top të gjuajtur me forcë në zonë e që nxjerr jashtë loje portierin e skuadrës së tij.
Ky gol ishte një goditje për Zvicrën që tentoi të rikuperonte në pjesën e mbetur. Tekniku Petkoviç bëri dhe dy zëvendësime, por skuadra me 3 lojtarët shqiptarë nuk krijoi epërsi.
Gjyqtari dha vetëm 3 minuta shtesë e në fund u duk se do të kishte dhe një penallti, por që më pas u la në goditje dënimi: edhe ky rast i fundit u prit nga portieri zviceran, por në mbyllje të takimit ishin suedezët që festuan kalimin në fazën tjetër, në pritje të fituesit të çiftit Kolumbi-Angli.
