Edhe Maqedonia në situatë alarmante nga zjarret

Ndërsa Maqedonia vazhdon luftën me zjarret, në fshatin Gurgurnicë të Tetovës, flakët rrezikojnë disa shtëpi. Banorët i bëjnë apel institucioneve që të ndërhyjnë menjëherë, pasi situata është alarmante. Vatrat e zjarrit janë përhapur me shpejtësi për shkak të erërave të fuqishme. Dhjetëra banorë po luftojnë me mjete rrethanorë për shuarjen e flakëve. Ndërkohë, zjarrfikëset janë angazhuar për vënien nen kontroll te disa vatrave aktive në të gjithë vendin. Autoritetet kanë shpallur gjendjen e jashtëzakonshme në disa zona.