Kryetarja e Lsi-së Monika Kryemadhi u pozicionua kundër kryeministrit Rama për zgjedhjen e prokurorit të përgjithshëm. Referuar ftesës së kryeministrit për një pakt kombëtar, Kryemadhi tha gjatë intervistës në zërin e Amerikës se çështjet e drejtësisë nuk zgjidhen në tryeza por në parlament.
“Zgjidhja e çështjes është ndër më të rëndësishmet, pse në ditën e fundit duhet ta diskutojmë. Çështjet e drejtësisë nuk zgjidhen në tryeza, por në parlament, jo me allishverishe politike. Duhet të ulemi në institucionet parlamentare”.
Kryemadhi kundërshtoi dhe misionet Euralius dhe Opdat ndërsa kërkoi nga ndërkombëtarët që të tregojnë se ku është shkruar që Kryeprokurori mund të zgjidhet me shumicë të thjeshtë.
“Ne na kanë kaluar të gjitha afatet, duhet të ishin ngritur KED, KLP dhe të gjitha të tjerat. Nuk mund të përdorim dy standarde. EURALIUS dhe OPDAT të na thonë ku është shkruar në kushtetutë se Kryeprokurori mund të zgjidhet me shumicë të thjeshtë’ deklaroi Kryemadhi në Zërin e Amerikës”.
Ambasadorët e SHBA dhe të BE deklaruan se Llalla duhet të largohet duke i bërë thirrje Kuvendit të zbatojë ligjin për zgjedhjen e kryeprokurorit të ri. Diplomati amerikan dhe delegacioni i BE bënë me dije se mbështesin opinionin ligjor që OPDAT dhe EURALIUS.
