Edhe këtë vit mësimi me turne

Edhe këtë vit, nxënësit e kryeqytetit do te mesojne me dy turne. Mbi 20 shkolla ne Tirane do te zhvillojnë mësimin edhe ne orët e pasdites për shkak te pamundësisë, per te përballuar fluksin e nxënësve. Ky fakt është pranuar nga kryetari i bashkise, Erion Veliaj, i cili premton zgjidhje, shtatorin e ardhshëm. Dy jave para nisjes se vitit te ri shkollor, Veliaj deklaron se po punohet per riparimin e 200 institucioneve arsimore. Kreu i bashkise u beri apel prindërve, t’i çojne fëmijët ne shkollat pranë zonave te banimit, pasi kushtet dhe mësimdhënia është e njëjte. Këto deklarata, kryetari i bashkisë i beri gjate inspektimit te ndërtimit te shkollës “Hoxha Tahsim”. Pas debateve dhe protestave disavjeçare te prindërve, se shkolla po lihej qëllimisht e degraduar për t’u ngritur aty objekt banimi, bashkia ka nisur ndërtimin e shkollës se re, ashtu siç u premtua, nje vit me pare. Objekti i ri do te jete me katër kate dhe me kapacitete dyfish me te mëdha. Shtatorin e ardhshëm, shkolla “Hoxha Tahsim” do te prese rreth 1 mije nxënës.