TEC-i I Korçës edhe pse duket i rrëzuar si projekt pa nisur, vazhdon të ngrihet si shqetësim në Këshillin bashkiak të qytetit.

 

Në mbledhjen e këtij Këshilli të zhvilluar ditën e premte, kreu I grupit të këshilltarëve të djathtë dhe njëkohësisht kryetari I Partisë Demokratike Korçë Andrea Mano kërkoi që refuzimi për projektin e TEC-it të marë edhe vendimin e këshilltarëve të bashkisë Korçë.

 

“Kërkoj që Këshilli bashkiak të dalë në unanimitet kundër ndërtimit të TEC-it në Korçë. Të hartohet dhe firmoset sot ky vendim”, tha Mano.

 

Kërkesë që gjeti miratim dhe u firmos nga këshilltarët e pranishëm.

 

Nga ana e tij, kryebashkiaku Sotiraq Filo, sqaroi më parë se kjo çështje që ka hapur debate publike, ka patur dhe ka qëndrimin kundër të Bashkisw.

 

“E kemi artikuluar qëndrimin tonë përfundimtar që në mbedhjen e Komitetit të Investimeve Strategjike”, u shpreh Filo.

 

Me vullnetin e shprehur edhe nga Këshilli bashkiak, çështja e TEC-it në Korçë duket e mbyllur një herë e mirë si projekt I kundërshtuar.

Leave a Reply

Your email address will not be published. Required fields are marked *