Nisja e gërmimeve ne fushën e Dragotit ne Tepelene për gjetjen e eshtrave te ushtareve greke është konsideruar e një ndjeshmërie te lartë edhe nga Italia.
Ambasada Italiane ne Tiranë përmes një note verbale dërguar Ministrisë sone së Jashtme vëren se gjatë gërmimeve mund të dalin në dritë edhe eshtrat qe i përkasin ushtareve italiane te rene gjate luftës italo-greke ne vitet 1940-1941.
Selia diplomatike e Romës në Tiranë kërkon qe pas kryerjes se procedurave mjeko-ligjore, te vihen ne dijeni për eshtrat dhe sendet e gjetura gjate gërmimeve, për ti zhvendosur me pas ne Itali.
Meqenëse ka të ngjarë që gjatë gërmimeve mund të gjenden eshtra të ushtarëve italianë, të rënë gjatë asaj lufte, kërkojmë të na siguroni që, nëse hasen raste të tilla, pasi të kryhen të gjitha procedurat mjeko-ligjore dhe gjyqësore, këto eshtra dhe sendet e gjetura pranë tyre të dorëzohen te Ambasada Italiane, për t’iu zhvendosur më pas në Itali.
Por Italia duket se do ta ndjekë nga afër procesin. Për këtë, ambasada synon edhe një diskutim me komisionin që po kryen gërmimet në Dragot.
Kërkojmë që të autorizoni një takim me komisionin e përbashkët greko-shqiptar që ndjek punimet, për t’u njohu r me aspektet kryesore të punës së tij.
Ambasada thekson në fund të notës verbale, se është ne pritje te një përgjigjeje nga Ministria e Jashtme ndërsa vlerëson nisjen e këtij procesi.
Një ditë më parë, Komisioni i Përbashkët shqiptaro grek filloi piketimet e para në zonën e Dragotit, ku më pas do të kryhen dhe gërmimet. Puna u shoqërua edhe me protesta nga qytetarë të ndryshëm, të cilët ngritën dyshime se eshtrat e shqiptarëve apo italianëve mund të rivarrosen si grekë.
Nisja e kërkimeve për ushtarët e rënë në luftë vjen pas marrëveshjes së arritur nga ministrat e jashtëm Bushati e Kocias, në negociatat e zhvilluara në Kretë dhe Korçë.
