Duke iu bashkuar shumë vendeve të tjera, Greqia fqinje shkon më tej me lehtësimin e masave dhe heq detyrimin për mbajtjen e maskave në ambientet e jashtme. Zëvendës ministri i Mbrojtjes, Nikos Hardalias, bëri të ditur se vendimi hyn në fuqi nga neser teksa nga java e ardhme do të hiqet edhe ndalimi policor.
NIKOS HARDALIAS
ZËVENDËS MINISTRI I MBROJTJES
“Qytetaret nga nesër mund të levizin pa mask në ambientet e jashtme. Mbetet e detyrueshme në ambiente të mbyllura, por edhe në ambiente të jashtme ku ka grumbullime. Ndërsa nga java e ardhshme, do të hiqet edhe shtetrrethimi.”
Edhe Italia ka marrë një vendim të ngjashëm, duke pasur parasysh rënien e vazhdueshme të infeksioneve të reja.
ROBERTO SPERANZA
MINISTER I SHENDETESISE, ITALI
“Është e qartë se sfida nuk ka marrë fund ende por gjendemi në një fazë shumë më ndryshe nga ajo që kaluam. Numrat na japin foton e asaj që po vjen dhe rënia është e qartë por derisa ky numër të mos jetë 0 në të gjitha rajonet, nuk mund të heqim dorë nga kujdesi dhe vigjilenca. Aq më tepër në kushtet e qarkullimit të varianteve të reja. Zgjodhëm një linjë të vështirë reagimi por falë kujdesit arritëm shifrat që shohim sot.”
Mbajtja e maskës do të kërkohet vetëm në transportet publike dhe në ambientet e mbyllura.