Pas Dhomes Amerikane të Tregtise edhe ajo gjermane ka shperhur shqetesimet e saj lidhur me draft-ligjin e amnistisë fiskale dhe asaj penale.
Në një reagim publik bizneset anëtare të kësaj dhome thonë se një nismë e tille duhet te ishte me gjithëpërfshirëse dhe pjesë të saj te ishin edhe masat për modernizimin e administratës tatimore, për të reduktuar evazionin.
Ndonëse nisma në fjalë do të rriste të ardhurat në buxhet, ajo do të sillte efekte negative afatgjata, thotë Dhoma, pasi përcjell mesazhin që shumë biznese mund të kryejnë evazion me shpresën se do të amnistohen nga një ligj i radhës. Një tjetër shqetësim është edhe norma tatimore sipas dhomës gjermane.
Një tatim kaq i ulët 7 dhe 10% i parave të padeklaruara është i padrejtë ndaj biznesve që kanë paguar ndër vite një përqindje taksash edhe më të larta. Komuniteti i biznesit ka intesifikuar reagimet kundër, pasi qeveria ka njoftuar nisjen e konsultimeve publike me qëllim miratimin e draftit.
