Drafti i Kodit të ri Penal, i prezantuar para pak ditësh ka hasur kundërshtime të forta edhe nga Dhoma Kombëtare e Avokatisë.
Pas kritikave të kryetarit të Gjykatës së Lartë dhe drejtuesit të Prokurorisë së Përgjithshme, kundër Kodit doli edhe Maks Haxhia.
Në një deklaratë për mediat, ai e konsideroi të mangët dhe problematik draftin, një Kod, i cili sipas tij është i papërshtatshëm me realitetin juridiko-social të vendit.
Haxhia tha se disa dënime të parashikuara në këtë draft, janë më të ashpra se Kodi Penal në kohën e monizmit.
Ndër të tjera Haxhia hodhi dyshime edhe për mënyrën jo transparente të hartimit të Kodit të ri, duke e quajtur atë një monopol të Ministrisë së Drejtësisë, pasi sipas tij janë përjashtuar grupet e tjera të interesit dhe nuk ka patur gjithëpërfshirje në proces./vizionplus.tv
