Edhe 10 të vdekur në Maqedoninë e Veriut/ Ulen rastet e reja

Maqedonia e Veriut regjistroi këtë të hënë edhe dhjetë viktima të tjera me koronavirus.

Numri total i të vdekurve shkon kështu në 432. Por gjatë 24 orëve të fundit, rastet e reja kanë pësuar një rënie.

Në nisjen e kësaj jave janë konfirmuar 96 persona pozitivë, nga 724 të testuar.

Maqedonia e Veriut ka konfirmuar gjithsej 9,249 raste pozitive me koronavirus, nga 86,543 teste të bëra.