Paqartësitë për mënyrën se si do të plotësohet dhe do të zbatohet fatura elektronike ka përfshirë të gjithë komunitetin e biznesit, i cili kërkon një afat të ri. Mbi të gjitha, ky proces shoqërohet me kosto jo të vogla. Edvin Prençe përfaqëson një biznes fason, i ftuar në E-ZONE, ai tregoi se nuk ka pritur afatin 1 korrik, por është fiskalizuar me herët. Por cilat kanë qenë kostot që ai ka paguar?
“Fillimisht, nëse do të aplikonim individualisht për të marrë shërbimin e ri tek kompanitë private na u kërkua një çmim që varionte nga 400-500 euro në vit. Kjo ishte një kosto e lartë për ne. Por duke qenë se ka një numër të madh biznesesh fason, ne aplikuam në grup dhe morëm një çmim preferencial, i cili tashmë arrin në 250 euro në vit”, tregon Prençe.
Sipas tij, në ligjin e ri ka disa pyetje që nuk marrin përgjigje, dhe një prej tyre është fakti që fatura për eksportuesit nuk parashikohet në euro
.
