Nisma e KE-së për pasportën e vaksinimit, një projekt shumë i diskutuar dhe debatuar, duket se po mban peng hapjen e kufijve. Një projekt i tillë është hedhur për diskutim për vendet anëtare të BE, por ende nuk ka një ide të saktë sesi do të veprohet me vendet e treta. Drejtorja e Autoritetit të Aviacionit Civil, Edlira Kraja u shpreh në “E-ZONE” se ka vend që qeveria të lobojë me shtetet në mënyrë individuale për të lehtësuar lëvizjen.
“Nisma e BE vlen vetëm për vendet anëtare. Ndërsa mbetet e paqartë sesi do të veprohet me vendet e treta. Duhet arritur në dakordësi që kjo pasaportë vaksinimi të njehsohet me ato të vendeve evropiane në mënyrë që të marrë kuptim zbatimi i saj. Organizatat që mbrojnë të drejtat e pasagjerëve e konsiderojnë këtë një diskriminim, por çdo shtet do të vendosë vet lidhur me masat që do të aplikojë”, shprehet Kraja.
Në këto kushte, qeveria mund të negociojë me shtete për të lëhtësuar kriteret e lëvizjes, sidomos me ato vende ku fluksiiI lëvizjes është edhe më i madh.
“Unë mendoj që ka vend që qeveria të negociojë dhe të lobojë me shtete, pasi ato janë sovrane në vendosjen e rregullave që do të aplikojnë. Shqipëria nuk ka asnjë masa kufizuese për shtetasit e huaj. Ndaj të mund të vendoset një lloj reciprociteti.”
