Ana Lika njihet për stilin e saj si vajzë “garipe” e cila flet “pa doreza”. E tillë ka qenë edhe intervista në emisionin Vizioni i Pasdites në Vizion Plus ku është pyetur për sherret me disa personazhe të njohur si këngëtarja Fifi dhe moderatorja Einxhel Shkira.
“Me Fifin kam një raport shumë të mirë shoqërie tani. Me thënë të drejtën unë nuk është se u zura, unë thashë një ide timen në një emision pasi ishte pak më e rëndë seç duhet por pastaj u sqaruam, shajti edhe ajo dhe u sqaruam pastaj. Një me një thamë hajde bëhemi shoqe”, deklaroi Ana.
Por lajmet për sherret me personazhet publikë nuk kanë mbaruar. Një ndër mikeshat më të ngushta që u përfol se do të bënin një emision së bashku është edhe Einxhel Shkira. Po si qëndron e vërteta e sherrit mes dy vajzave?
“Nuk ishte emisioni që prishi gjithçka, por gjithmonë edhe në një shoqëri ndiqen edhe rrugë të ndryshme. Sidomos kur ke një punë, një profesion dhe punë të ndryshme dhe sidomos kur e ka edhe dikush tjetër , rrugët ndahen. Fillon dhe nuk takohesh më përditë edhe gjërat ndahen pastaj”, – ka përfunduar Ana.
